O mundo de Ramon Llull
A Mallorca do século XIII, recentemente conquistada polos cataláns e integrada por diversas culturas, é o paradigma dun Mediterráneo convulso e dinámico. A nova cultura cristiá, hispánica e carolinxia, convive, por unha banda, cos restos fumarentos dun Islam recentemente derrotado e, pola outra, coa persistencia de potentes núcleos hebraicos.
Ramon Llull naceu nun crisol de culturas. Mentres quería dar a coñecer, coñeceu. E coñecendo, imbuíuse de pensamentos moi diferentes do seu, ata converterse nun dos intelectuais máis universais e potentes da Baixa Idade Media europea. Ao longo da súa vida traballou para construír unha síntese orixinal e persoal, e con todo propia, do seu tempo e da súa xeografía.
Coñecer o contexto histórico da devandita época resulta fundamental para situar e entender a figura de Ramon Llull e o alcance da súa obra.
