Europa e o Mediterráneo

 

Santiago de Compostela

RAMON LLULL EN SANTIAGO DE COMPOSTELA

Ramon Llull acode en peregrinación a Santiago en 1265. Descoñécese o itinerario que seguiu, pero é probable que, dada a súa vinculación con Montpelier, viaxase a Compostela dende o santuario de Rocamadour seguindo o ramal francés do Camiño de Santiago. En calquera caso, a peregrinación rematou en Barcelona, a onde volvería probablemente polo ramal catalán do Camiño.

 

SANTIAGO DE COMPOSTELA, ENTÓN E AGORA

Santiago de Compostela, na provincia da Coruña, é a capital da comunidade autónoma de Galicia. Trátase dun importante centro turístico e universitario. A lenda do descubrimento da tumba do apóstolo Santiago no século IX converteuna no punto de peregrinación máis importante da cristiandade despois de Roma e Xerusalén, a través do Camiño de Santiago. Este camiño histórico ten múltiples ramais que conectan Santiago con diferentes puntos da Península Ibérica e do resto de Europa a través de Francia.

A construción da catedral románica de Santiago de Compostela iniciouna, en 1075, o bispo Diego Peláez e continuouna o tamén bispo Diego Xelmírez no século seguinte; as obras rematáronse en 1128. É de grandes dimensións, con cruz latina e tres naves, e constitúe un dos edificios máis importantes do románico europeo. O exterior transformouse totalmente, durante os séculos XVII e XVIII, en estilo barroco. Xunto á catedral consérvase outro edificio románico (séculos XII-XIII): o Pazo de Xelmírez ou ‘Palacio de Gelmírez’. En 1985, a UNESCO declarou o núcleo antigo de Santiago Patrimonio da Humanidade. Na actualidade o Camiño de Santiago é probablemente o destino de peregrinación e sendeirismo máis importante de Europa.

 

Citas de Ramon Llull

 
«O home avaro non ten nada»
 

Mensaxes sobre Ramon Llull

 
Ramon Llull foi visto como un precursor do pensamento combinatorio, básico na informática moderna.
 

Últimas creacións