Viaxeiro

Viaxou a numerosos lugares do Mediterráneo, nuns tempos en que, a pesar das cruzadas e conquistas violentas, os intercambios comerciais e culturais permanecían moi activos entre as dúas beiras. Visitou diversas cidades dos actuais territorios de España, Francia, Italia, Tunes, Turquía, Alxeria, Chipre e probablemente Israel. A profusión das súas viaxes non deixa de sorprendernos, tendo en conta os medios de transporte da época.

A súas viaxes tiñan basicamente tres obxectivos: conseguir de reis e papas fondos e medios materiais para a súa tarefa misional, difundir o seu Ars ou método filosófico e teolóxico e finalmente convencer aos «infieis» dos seus erros. En todas as partes identificábase como «catalán de Mallorca».