Viaxes, libros e un obxectivo

Ramon Llull predica aos musulmáns en Tunes. Breviculum, IX. Thomas le Myésier, 1325.

A súa vida está chea de viaxes por Europa e o Mediterráneo, que emprende para convencer a prohomes, reis e papas da necesidade de debater (máis que de combater) cos non crentes para achegalos á fe cristiá. Percorre case todo o mundo daquela coñecido, acode a diversas universidades europeas e desembarca algunhas veces nas costas africanas coa intención de disputar cos teólogos musulmáns e poñer a proba a súa metodoloxía.

Entre 1287 e 1293 visita Montpelier, París, Roma, Xénova e, segundo algunhas fontes, tamén Perpiñán, Al-Ándalus, Ceuta e Exipto. No Liber contra Antichristum rebate as teses dos que anuncian a apocalipse para o cambio de século. En 1311, a súa tarefa intelectual e apostólica recibe a aprobación do concilio ecuménico celebrado en Viena do Delfinado (Francia). Así e todo, desengánase dos príncipes e sabios cristiáns e, sobre todo nos últimos anos, séntese moi só.

De feito, propúxose un traballo grandioso e probablemente imposible: edificar unhas novas bases do saber humano segundo a Arte ideada por el e difundilas por todo o orbe. Atribúeselle a autoría de 265 libros, que testemuñan o esforzo dun home sabio e entregado á causa de Deus. 

 

Citas de Ramon Llull

 
«Co home iracundo vale máis calar que falar»
 

Mensaxes sobre Ramon Llull

 
Ramon Llull está enterrado na basílica de Sant Francesc, en Palma (Mallorca).
 

Últimas creacións