Político

Era consciente da importancia de buscar a colaboración dos estadistas para o seu proxecto de impulsar a conversión dos «infieis». Busca (e obtén, só en parte) o apoio da coroa de Aragón, do rei de Francia, de diversos papas e doutros mandatarios da época. O seu interese pola política queda plasmado en libros de contido estratéxico relacionados cun proxecto, finalmente frustrado, de cruzada a Terra Santa (como o Liber de fine).

O Llibre de les bèsties (‘Libro das bestas’) constitúe unha sátira sanguenta dos políticos que usan o poder en beneficio propio. Sempre amosou un grande interese polos acontecementos xeopolíticos da súa época, aos cales adaptaba os seus plans de traballo e de viaxe.